“Ulduz” komandası U-13 liqasının bürünc medalını qazanıb

Gənclər və idman nazirliyinin cəmi bir il öncə yaratdığı “Ulduz” futbol məktəbi qısa zamanda ilk uğurunu qazanıb. Allsport.az saytı xəbər verir ki, akademiyanın komandası AFFA-nın təşkil etdiyi və 115 iştirakçının mübarizə apardığı U-13 liqasının bürünc medalını qazanıb.

“Ulduz” 3-cü yer üçün qarşılaşmada “Vətən” komandasına 2:0 qalib gəlib. Bu akademiya ölkəmizdə uşaq futbolunun inkişafı, kütləviliyin təmin edilməsi istiqamətində nazirliyin yeganə layihəsi deyil. Artıq 2 ildir keçirilən “Qol U-15” beynəlxalq futbol turniri, Bakı kənd və qəsəbələr arasında futbol turniri bu məqsədə xidmət edir.