Yubiley oyunu

Premyer liqanın VI turu “Neftçi” üçün əlamətdar olacaq.

Allsport.az xəbər verir ki, “ağ-qaralar” “Qəbələ” ilə qarşılaşmada ölkə çempionatlarında 1000-ci oyununa çıxacaq.

Peşəkar futbol liqası bununla bağlı xüsusi süjet hazırlayıb.

Video-materialda “Neftçi”nin veteran futbolçusu, komandanın ölkə çempionatlarındakı ilk qolunun müəllifi Yunis Hüseynov, həmçinin “ağ-qaralar”ın hazırkı kapitanı Emin Mahmudov fikirlərini bölüşüb.