İlk gündə medal yoxdur – Radik İsayevlə Fəridə Əzizova uduzdular

Bu gün Türkiyənin Samsun şəhərində taekvondoçular arasında beynəlxalq qran-pri turniri start götürüb. Allsport.az saytı xəbər verir ki, Yaşar Doğu İdman Zalında təşkil olunan yarış olimpiya çəkiləri üzrə keçirilir və Rio-2016-ya lisenziya xalları verir.

Xəbər verdiyimiz kimi, bu rəqabətdə millimiz də mübarizə aparır. Baş məşqçi Rza Mehmandostun rəhbərliyi ilə bizdən 4 dayanq ustası çıxış edir.

İlk yarış günündə 2 idmançımız döyüşə çıxıb. Radik İsayev (+80) 1/16 finalda Arazın o tayından olan Marşall Armana 2:5 hesabı ilə məğlub olub.

Fəridə Əzizova (67 kq) startda iranlı Şükrəneh İzadini üstələsədə (1:0), türkiyəli İrəm Yamana uduzub – 0:1. Sabah Patimat Abakarova (49 kq) mübarizəyə qoşulacaq. Birisigün Ayxan Tağızadə (68 kq) bəxtini sınayacaq.