Azad Rəhimovun vəfatından 5 il ötür

Bu gün keçmiş gənclər və idman naziri Azad Rəhimovun vəfatından 5 il ötür. Allsport.az saytı xəbər verir ki, görkəmli ictimai-siyasi xadim 2021-ci ilin yanvarından ağciyər xərçəngindən və qaraciyər serozundan müalicə alırdı. O, 30 apreldə Bakı vaxtı ilə saat 22:45-də ABŞ-nin Nyu-York şəhərində xəstəxanaların birində dünyasını dəyişib. 2 may 2021-ci ildə 2-ci Fəxri xiyabanda dəfn olunub. O, 1954–1958-ci illərdə Azərbaycan SSR nazirlər sovetini sədri olmuş Sadıq Rəhimovun nəvəsidir.

Azərbaycan prezidenti İlham Əliyevin 7 fevral 2006-cı il tarixli 1275 nömrəli sərəncamı ilə o gənclər və idman naziri təyin edilib. Azad Rəhimov bu müddət ərzində 2012-ci ildə “Avrovizia” mahnı müsabiqəsinin, 2015-ci ildə Avropa oyunlarının, 2016-cı ildə Ümümdünya şahmat olimpiadasının, 2017-ci ildə İslam həmrəyliyi oyunlarının, voleybol üzrə qadınları Avropa çempionatının, 2019-cu ildə UEFA Avropa liqası finalının, Avropa gənclərinin olimpiya festivalının, 2020-ci ildə isə UEFA qitə çempionatının Azərbaycanda baş tutması üzrə yaradılan komitələrin rəhbərlərindən olub.

Onun dönəmində olimpiya millimiz London-2012-də 2 qızıl, 2 gümüş və 5 bürünc medal qazanıb. Bu, indiyədək ən yüksək əyarlı nəticə sayılır. Rio-2016 olimpiadasında isə Azərbaycan ilk dəfə 56 idmançı ilə 17 idman növündə təmsil olunub və 1-ci kərə və hələlik yeganə olaraq “dördillik”də böyük heyətlə çıxış edib. Qaydaya əsasən, 50 olimpiyaçıdan yuxarı böyük heyət salılır. Nəticəyə gəldikdə, ölkəmiz Braziliyada 1 qızıl, 7 bürünc və 10 bürünc qazanıb ki, bu da indiyədək say baxımından rekord hesab olunur.

Ölkə başçısının 29 iyun 2015-ci il tarixli 1298 nömrəli sərəncamı ilə idman sahəsində xidmətlərinə görə “Şöhrət” ordeni ilə, 24 iyul 2019-cu il tarixli 1344 nömrəli sərəncamı ilə gənclərlə iş sahəsində xidmətlərinə görə 1-ci dərəcəli “Vətənə xidmətə görə” ordeni ilə təltif edilib.