Forgot Password New Account
Gəzən xəbər

İlqar Rəhimov Şika şəhərinin meriylə görüşdü

Paralimpiya
1 oktyabr 2021 / 18:40 Baxış sayı: 170

Azərbaycan respublikası milli paralimpiya komitəsinin prezidenti İlqar Rəhimov Yaponiyanın Şika şəhərinin meri Koizumi Masaru ilə görüş keçirib.
Allsport.az xəbər verir ki, ötən gün milli paralimpiya komitəsinin prezidenti İlqar Rəhimov onlayn formatda keçirilən görüşdə iştirakçıları salamlayaraq, Tokio 2020 XVI yay paralimpiya oyunları öncəsi üzgüçülük idman növü üzrə milli komandanın üzvləri üçün yaradılmış şəraitə görə təşəkkür etmişdir.
“Tokio 2020 yay paralimpiya oyunları bizim üçün çox məhsuldar oldu, idmançılarımız əzmkar mübarizə göstərərək 14 qızıl, 1 gümüş və 4 bürünc olmaqla ümumilikdə 19  medal qazandılar. 163 ölkə arasında 10-cu pillədə oyunları tamamladıq. Üzgüçülük idman növü üzrə idmançılarımızın qələbəsində Şika şəhərinin öz yeri var. Yaradılan şəraitə və qonaqpərvərliyə görə cənab merə və şəhər sakinlərinə  dərin təşəkkürümü bildirirəm. Ümid edirəm ki, bizim aramızda yaranmış dostluq əlaqələri daha da inkişaf edəcək.”
Koizumi Masaru öz növbəsində hər kəsi salamlayaraq bildirib:
“Yarışları izləyirdim, üzgüçülük idman növü üzrə fərqli kateqoriyalarda 4 qızılın qazanılması fantastik nəticə idi. Azərbaycan milli paralimpiya komandasını bir daha belə yüksək nailiyyətlərinə görə təbrik edirəm. Əminəm ki, gələcəkdə də müxtəlif sahələrdə birgə əməkdaşlıq edəcəyik.”

Həmin kateqoriyadan