Oveçkin NHL-in tarixinə keçdi

Fevralın 23-də NHL-in müntəzəm mövsümünün “Vaşinqton Kəpitals” – “Edmonton Oylers” matçı baş keçirilib.

Allsport.az xəbər verir ki, görüş “paytaxtlılar”ın 7:3 hesablı qələbəsi ilə başa çatıb.

Qalib komandanın heyətində Aleksandr Oveçkin het-trik edib. 2020-ci il yanvarın 1-dən sonra rusiyalının aktivində 200 qol var.

O, NHL tarixində üç müxtəlif onillikdə 200+ qol vuran ilk oyunçu olub. Oveçkin 2000-ci illərdə 245, 2010-2019-cu illərdə isə 437 qol müəllifi olub.