“Öz səhvlərimizdən qollar buraxdıq”

“Araz-Naxçıvan” premyer liqanın VII turunda öz meydanında “Kəpəz”ə 0:2 hesabı ilə uduzub. Allsport.az xəbər verir ki, mətbuat konfransında ev sahiblərinin baş məşqçisi Yuri Maksimov bunu deyib:

“Oyuna yaxşı hazırlaşmışdıq. İstəyirdik qələbə qazanaq və turnir cədvəlindəki mövqeyimizi yaxşılaşdıraq. Təəssüf ki, yenə öz səhvlərimizdən qollar buraxdıq. Halbuki hesabı bərabərləşdirmək, hətta qələbə qolunu vurmaq üçün imkanlarımız oldu. Qarşıda “Sumqayıt”la oyunumuz var. Hücum fazasında bir qədər dəqiq oynamalı, müdafiədə səhvlərimizi azaltmalıyıq”.