“Qələbə qazana bilmədiyimiz üçün üzülürük”

“Sumqayıt” premyer liqanın XXI turunda doğma meydanda “Araz-Naxçıvan”la heç-heçə edib – 0:0.

Allsport.az xəbər verir ki, mətbuat konfransında “kimyaçılar”ın baş məşqçisi Vaqif Cavadov bunu deyib:

“Maraqlı oyun alındı. Düşünürəm ki 1-ci hissə daha çox bizim üstünlüyümüzlə keçdi. Əfsuslar olsun ki penalti imkanını qola çevirə bilmədik. Amma belə rəqibə qarşı əldə olunan 1 xala görə komandama alqış düşür. Qələbə qazana bilmədiyimiz üçün üzülürük. Lakin göstərdiyimiz mübarizə ilə qələbə əzmimiz də artır. Növbəti oyunlara hazırlaşacağıq”.