“Qarabağ”ın rəqibi dəyişdi

“Qarabağ”ın Antalyada yoxlama oyunlarının proqramında dəyişiklik edilib. Allsport.az saytı xəbər verir ki, yanvarın 25-də “Tatran”la keçirilməsi nəzərdə tutulan oyun baş tutmayacaq. 

Buna səbəb, Slovakiya klubunun toplanışına yollanmamasıdır. Belədə, “köhlən atlar” Çex Respublikasından “Bohemians” klubu ilə qarşılaşacaq. Həmin gün komandamız “Visla Krakov”la da üz-üzə gələcək.

“Bohemians”la matç 12:00-da, polşalılarla oyun isə 18:00-da başlayacaq. “Qarabağ” bu görüşlərdə fərqli heyətlərlə oynayacaq.