Rusiyadan azərbaycanlı yarımmüdafiəçini transfer edib

“Neftçi” heyətinə yeni oyunçu cəlb edib. Allsport.az saytı xəbər verir ki, azərbaycanlı futbolçu Azər Əliyevlə 3,5 illik müqavilə bağlanıb. 27 yaşlı yarımmüdafiəçi “7” nömrəli geyimdə çıxış edəcək.

Krasnoyarsk futbol məktəbinin yetirməsi olan soydaşımızın son klubu Rusiya “Ufa”sı olub. Bundan başqa o, “Yenisey”, “Saxalin”, “Krılya Sovetov” və “Tambov”da da oynayıb.