100-ə çatdı

“Araz-Naxçıvan”ın futbolçusu Turan Manafov premyer liqada 100-cü oyununu keçirib.

Allsport.az xəbər verir ki, 26 yaşlı müdafiəçinin yubiley matçı premyer liqanın XXIV turuna təsadüf edib.

Turan “Zirə” ilə ev görüşündə (0:3) “100”ə çatıb. Debütü 2018/19 mövsümünə təsadüf edən arxa xətt oyunçusunun ilk komandası “Sumqayıt” olub.

Manafov “Gənclik şəhəri” təmsilçisində 1, “Səbail”də 75 (3 qol), “Araz-Naxçıvan”da 24 (3 qol) oyun keçirib.