“100 faizlik imkandan yararlana bilmədik”

28-ci turda “Zirə” səfərdə “Sabah”a 1:2 yenilərək premyer liqada mükafatları əldən buraxıb. Allsport.az saytı xəbər verir ki, qonaqların baş məşqçisi Rəşad Sadıqov mətbuat konfransında bunu deyib:

“Maraqlı oyun keçdi. Bəlkə də mövsüm ərzində ən yaxşı görüşlərimizdən birini keçirdim. Hesab 0:0 olarkən yüz faizlik imkandan yararlana bilmədik. Səfərdə üstün oyun göstərə bildik. İlk yarıda rəqibin yeganə zərbəsi qolla nəticələndi. İkinci hissədə bərabərlik qolunu vursaq da, əks-hücumda qol buraxdıq”