Aleksandr Səmədova ölkəmizdən təklif var

“Krılya Sovetov”dan ayrılan Aleksandr Səmədov karyerasını ölkəmizdə davam etdirə bilər. Allsport.az saytı xəbər verir ki, 34 yaşlı yarımmüdafiəçi açıqlamasında bunu təsdiqləyib:

“Klubun adını çəkməyəcəyəm. Çünki indiki mərhələdə bunu demək qeyri-etik olar. Amma mənim həqiqətən belə bir variantım var. Hazırda Azərbaycan klubundan aldığım təklifi düşünürəm. Bunun üçün zaman lazımdır”.

Ehtimala görə, bu komanda “Neftçi”dir. “Ağ-qaralar” azad statuslu əslən azərbaycanlını heyətə qatmaqla, orta sahədə oyun quruculuğunu gücləndirmək istəyir.