“İstəyirik ki, sonadək bu gərginliyin içində olaq”

Bu gün “Turan Tovuz” premyer liqanın 24-cü turunda evdə “Neftçi” ilə heç-heçə etdi (1:1). Allsport.az saytı xəbər verir ki, mətbuat konfransında meydan sahiblərinin baş məşqçisi Ayxan Abbasov açıqlama verdi:

“Sonadək mübarizə apardıq. Azarkeşlərə təşəkkür edirəm. Bu gün də onlar möhtəşəm idilər. “12-ci oyunçu” şərtdir, onlar Tovuzda futbola rəng qatırlar.

Çempionat günü-gündən gərginləşir. İstəyirik ki, sonadək bu gərginliyin içində olaq. Komanda güclü rəqabət var. Sonradan meydana daxil olanların vəziyyəti dəyişmələrinə sevinirəm”.