“Keşlə”nin futbolçusu milliyə dəvət alıb

“Keşlə”nin qapıçısı Stanislav Namaşko, Moldova millisinə dəvət alıb. Allsport.az saytı xəbər verir ki, o, millətlər liqasının pley-ofunda Qazaxıstanla oyunlarda yer alacaq.

İlk görüş martın 24-də Kişinyovda “Zimbru” stadionunda, cavab matçı 29-da “Astana arena”da keçiriləcək.

Bu cütün qalibi 2022/23 mövsümünün “C” liqasında Slovakiya, Belarus və Azərbaycan yığması ilə eyni qrupda yer alacaq. Məğlub tərəf “D” liqasına yuvarlanaraq, Lixtenşteyn, Andorra və Latviyaya rəqib olacaq.