“Moyzelvits” bərabər qalıb, Rüfət Dadaşov 90 dəqiqə oynayıb

Almaniyanın Şimal-Şərq Regional Liqasında 3-cü turun oyunları keçirilib. Allsport.az saytı xəbər verir ki, Azərbaycan millisinin sabiq hücumçusu Rüfət Dadaşovun klubu “Moyzelvits” doğma meydanda “Noyşterlits”lə qarşılaşıb. Ev sahibi bu matçdan heç-heçə ilə ayrılıb – 0:0.

Start heyətdə meydana çıxan həmvətənimiz yenə 90 dəqiqə oynayıb. Rüfət bu görüşdə sarı vərəqə almaqla diqqət mərkəzinə düşüb. 3 turdan sonra “Moyzelvits” 2 xalla 18 komanda arasında 14-cü pillədə qərarlaşıb.