“Neftçi” seneqallı müdafiəçi ilə anlaşmanı uzatdı

“Neftçi” müdafiəçisi Mamadi Mbodjla müqavilənin müddətini artırıb. Allsport.az xəbər verir ki, 28 yaşlı seneqallı futbolçu daha 2 il “ağ-qara” formanı geyinəcək.

Mbodj “Neftçi”də keçirdiyi 3 mövsüm ərzində 54 oyunda meydana çıxıb, 8 qola imza atıb.

“Neftçi” bundan əvvəl Ömər Buludov və Fəhmin Murabəyli ilə yeni müqavilə bağlamışdı.