- Baxış sayı: 8
- 19 Aprel 2024 12:22
- Baxış sayı: 42
- Aprel 18, 2024
- 0
“Neftçi” yeni idman direktoru Zaur Əzizovu təqdim edib. Allsport.az saytı xəbər verir ki, təqdimat “Bakcell arena”da baş tutub. Tədbirə klubun prezidenti Kamran Quliyev və vitse-prezident Elnur Eyvazov qatılıb.
37 yaşlı həmkarımız 2008-2021-ci illərdə “Qəbələ” klubunun baş meneceri olub. Bu müddətdə premyer liqada 2 gümüş (2016/17, 2017/18), 3 bürünc (2013/14, 2014/15, 2015/16) medal qazanıb, 4 dəfə Azərbaycan kubokunun finalına yüksəlib, 2018/2019 mövsümündə ilk tituluna yiyələnib.
Avrokuboklarda debütü onun baş menecerliyi dövrünə təsadüf edən “Qəbələ” ardıcıl 2 dəfə (2015/16, 2016/17) 4 mərhələ adlamaqla Avropa liqasının qrupunadək irəliləyib.
Bundan əvvəl “Neftçi”nin idman direktoru vəzifəsini 2018-ci ilin fevralından 2020-ci ilin noyabrınadək Ceyhun Sultanov icra edib.