Polşanı darmadağın etdi, Avropa oyunlarına vəsiqə qazandı

Avropa çempionatının seçməsinin 2-ci raundunda çıxış edən çimərlik futbolu üzrə Azərbaycan millisi İtaliyanın Kalyarı şəhərində keçirilən oyunda Polşaya 6:2 qalib gəlib. 

Allsport.az saytı xəbər verir ki, bizdən Ramil Əliyev (2), Orxan Məmmədov, Hüseyn Axundov, Sabir Allahquliyev və Amid Nəzərov fərqləniblər.

Komandamız sabah 5-ci yer uğrunda oyunda yenidən Ukrayna yığması ilə qarşılaşacaq. Görüşün nəticədən asılı olmayaraq, millimiz gələn il Polşanın Krakov şəhərində təşkil ediləcək Avropa oyunlarına vəsiqə qazanıb.