Premyer liqada 5-ci tura qolsuz heç-heçəylə yekun vuruldu

Azərbaycan premyer liqasında V turun son oyunu keçirilib.

Allsport.az xəbər verir ki, “Kapital Bank Arena”da “Sumqayıt” və “Qəbələ” komandaları üz-üzə gəlib. 

FIFA referisi Elçin Məsiyevin idarə etdiyi qarşılaşma qolsuz yekunlaşıb – 0:0. 

Görüşün 90-cı dəqiqəsində maraqlı epizod yaşanıb. Məsiyev əvvəlcə “Sumqayıt”ın, daha sonra “Qəbələ”nin autu səhv yerinə yetirdiklərini bildirərək, topu rəqib tərəfə verib. 

Bu nəticədən sonra xalını 10-a çatdıran “Qəbələ” “Qarabağ”ı topların fərqində keçərək, birinci pilləyə yüksəlib. Xalını 7-yə yüksəldən “Sumqayıt” isə 5-ci pilləyə qalxıb.