“Qəbələ” öncə paytaxtda, sonra Antalyada hazırlaşacaq

“Qəbələ”nin qış fasiləsindəki hazırlıq planı müəyyənləşib. Allsport.az saytı xəbər verir ki, “qırmızı-qaralar” mövsümün 2-ci yarısının hazırlığına yanvarın 6-da start verəcək.

Elmar Baxşıyevin komandası ilkin mərhəni paytaxtda keçirəcək. Bakı toplanışında yoxlama oyununun keçirilməsi nəzərdə tutulmayıb.

“Qəbələ” yanvarın 15-də Antalyaya yollanacaq. Ayın 25-dək davam edəcək hazırlıqda 3 yoxlama matçı var.

Bu qarşılaşmalar yanvarın 17-də, 20-də və 24-də keçiriləcək. Komandanın üz-üzə gələcəyi rəqiblər hələlik dəqiqləşməyib.