“Sabah” gənclər kubokunun yarımfinalında

Gənclər kubokunda (U-19) 1/4 final mərhələsinin cavab oyunları keçirilib. Allsport.az saytı xəbər verir ki, Binə qəsəbə stadionunda keçirilən matçda “Sabah” digər paytaxt təmsilçisi “Səbail”lə heç-heçə edib (1:1).

İlk görüşdə səfərdə 4:0 hesabı ilə qalib gələn “göy-ağ”lar yarımfinala vəsiqə qazanıb. “Sabah” bu mərhələdə “Kəpəz”lə qarşılaşacaq. Oyunlar mayın 22-də və 25-də keçiriləcək.