“Sabah”dan Türkiyə klubuna

“Sabah”ın futbolçusu Ozan Can Kökçü karyerasını Türkiyədə davam etdirəcək. Allsport.az xəbər verir ki, 22 yaşlı futbolçu 1-ci liqa təmsilçisi “Eyüpspor”la razılığa gəlib.

Ozan “Sabah”la müqaviləsini qarşılıqlı razılaşma əsasında ləğv etdikdən sonra İstanbul təmsilçisi ilə sözləşmə imzalayacaq.

2019-cu ildən “Sabah”da çıxış edən yarımmüdafiəçi ötən mövsümü icarə əsasında Niderlandın “Telstar” klubunda keçirib.