Ələsgərovun baş məşqçisi istefaya göndərildi

Azərbaycan millisinin futbolçusu Namiq Ələsgərovun çıxış etdiyi Türkiyə “Bursaspor”u baş məşqçisi Fateh Təkkə ilə yollarını ayırıb.

Allsport.az xəbər verir ki, 44 yaşlı mütəxəssislə müqaviləyə qarşılıqlı razılıq əsasında xitam verilib.

Buna I liqada mübarizə aparan komandanın uğursuz çıxışı səbəb olub. “Yaşıl timsahlar” onun rəhbərliyi ilə 4 oyunda cəmi 4 xal toplaya bilib.

O, avqustun 24-də “Bursaspor”a baş məşqçi təyin olunmuşdu.