Əliyar Ağayev Yunansıtanda 7 sarı vərəqə göstərdi

FIFA referisi Əliyar Ağayev Yunanıstan super liqasının çempionluq qrupunun oyununu idarə edib. Allsport.az xəbər verir ki, o, 2-ci turda “Panatinaikos” – PAOK matçında baş hakim olub.

Ağayevə yan xətt hakimləri qismində Zeynal Zeynalov və Akif Əmirəli yardımçı olub. Görüş Afinadakı “Apostolos Nikolaidis” stadionunda keçirilib. Oyun meydan sahiblərinin böyükhesablı qələbəsi ilə yekunlaşıb – 3:0. Ağayev ev sahiblərinin 3, qonaqların 4 futbolçusuna sarı vərəqə göstərib.

Bu nəticədən sonra “Panatinaikos” 49 xalla 4-cü, PAOK 50 xalla 3-cüdür.