“2-ci hissənin 2-ci yarısı bizim nəzarətimiz altında keçdi”

“Sabah” premyer liqanın 24-cü turunda bu gün evdə “Şamaxı”ya 3:1 qalib gəlib. Allsport.az saytı xəbər verir ki, meydan sahibinin baş məşqçisi Murad Musayev matç barədə bunu deyib:

“Çox məzmunlu oyun alındı. Kombinasiyalı oyundan və cərimə zərbəsindən sonra yaxşı qollar vurduq. Sadəcə, ikinci hissənin əvvəlində sərgilədiyimiz oyundan razı qalmadım.

2-ci hissənin 2-ci yarısı bizim nəzarətimiz altında keçdi. Üstünlüyü ələ alıb, daha 2 qol vura bildik. Azarkeşlərimizi qələbə münasibətilə təbrik edirəm”.