50-ci oyununu keçirib

Rafael Utziq, “Qəbələ”də 50-ci oyununu keçirib. Allsport.az saytı xəbər verir ki, braziliyalı hücumçunun yubileyi premyer liqanın XXI turuna təsadüf edib.

“Keşlə” ilə ev matçı (1:1) 26 yaşlı legionçu üçün əlamətdar olub.2020-ci ilin yayından “qırmızı-qara” formanı geyinən Rafael bu müddətdə 10 dəfə fərqlənib.

O, premyer liqada 45, Azərbaycan kubokunda 5 dəfə şans qazanıb. Cənubi amerikalı bütün qollarına çempionatda vurub.