AFFA prezidenti Qurban Qurbanovu təbrik edib

Aprelin 13-də “Qarabağ” futbol klubunun baş məşqçisi Qurban Qurbanovun 50 yaşı tamam olur. Allsport.az saytı xəbər verir ki, bu münasibətlə AFFA-nın prezidenti Rövnəq Abdullayev onunla görüşüb.

Təcrübəli mütəxəssisi əlamətdar yubileyi münasibətilə təbrik edib, ona cansağlığı, fəaliyyətində uğurlar və yeni-yeni qələbələr arzulayıb. Qurban Qurbanov göstərilən diqqətə görə minnətdarlığını bildirib.

AFFA-nın icraçı vitse-prezidenti Elxan Məmmədov və baş katib Sərxan Hacıyevin iştirak etdiyi görüşdən sonra xatirə şəkli çəkdirilib.