Əmrəlinin komandası 1/8 finalda

Polşada futbol üzrə ölkə kubokunun 1/16 final mərhələsinin bir sıra oyunları keçirilib.

Allsport.az xəbər verir ki, Azərbaycan millisinin hücumçusu Mahir Əmrəlinin çıxış etdiyi “Rakuv” səfərdə “Motor”la qarşılaşıb.

Matçın əsas və əlavə vaxtı 1:1 hesablı heç-heçə ilə başa çatıb. Penaltilər seriyasında isə qonaqlar 3:1 hesabı ilə qalib gəliblər.

Start heyətində meydana çıxan Əmrəli 82-ci dəqiqədə əvəzlənib. Həmin vaxt onun komandası hesabda geridə olub.

Bu qələbə sayəsində “Rakuv” Polşa kubokunun 1/8 final mərhələsinə vəsiqə qazanıb.