““Fənərbağça”ya fürsət vermədik”

“Qalatasaray”ın baş məşqçisi Okan Buruq superliqada “Fənərbağça”ya qalib gəldikləri oyunu şərh edib.

Allsport.az xəbər verir ki, mütəxəssis 2:1 hesabıyla bitən matçla bağlı bunları deyib:

“Bu mövsümün ən yaxşı oyunlarından birini keçirdik. Rəqib qarşısında böyük üstünlük yaratdıq. Hesab daha fərqli ola bilərdi.

Komandamdan razıyam və yolumuza davam edirik. “Fənərbağça”ya fürsət vermədik. Statistikaya da baxsanız, böyük fərq görərsiniz”.

“Qalatasaray” çempionatda 22 xalla liderdir. “Fənərbağça” isə 16 xalla beşincidir.