Ardıcıl 22-ci qələbəsini qazandı

İspaniyalı tennisçi Karlos Əlqərəz ATP-500 seriyalı turnirlərdə ardıcıl 22-ci qələbəsini qazanıb.

Allsport.az xəbər verir ki, dünya reytinqinin 3-cü pilləsində qərarlaşan 7 qat “Böyük dəbilqə” çempionu Vyanada keçirilən turnirin ilk mərhələsində rusiyalı Karen Xaçanovu məğlub edib.

Görüş Əlqərəzin 6:4, 7:6 (7:5) hesablı qələbəsi ilə başa çatıb.

İspaniyalı tennisçi növbəti mərhələdə Yuri Rodionov – Nikoloz Basilaşvili cütünün qalibi ilə qarşılaşacaq.

Vyanada ötən ilin qalibi dünyanın 1 nömrəli tennisçisi, italiyalı Yannik Sinnerdir.