“Hər 2 hissədə rəqibi topsuz qoyduq”

Autsayder “Səbail” premyer liqanın 22-ci turunda evdə gözlənilmədən avrokuboka iddialı “Qəbələ”ni 3:0 yenib. Allsport.az saytı xəbər verir ki, meydan sahiblərinin baş məşqçisi Aftandil Hacıyev qələbəyə belə şərh verib:

“Qol buraxmadan qələbə qazanmaq istəyirdik. Bunu bacardığımız üçün ikiqat sevincliyik. Çoxdandır bunu gözləyirdik. Futbolçularım meydanda rəqibdən hərtərəfli üstün oldular. Kifayət qədər qol epizodları yaratdıq. Hər 2 hissədə rəqibi topsuz qoyduq. Sevindiricidir ki, düşündüyümüz oyun alındı”.