Murad Musayev: “Neftçi” 90 dəqiqə ərzində müdafiə olundu

“Sabah” premyer liqanın 23-cü turunda səfərdə “Neftçi”yə 0:1 uduzub. Allsport.az saytı xəbər verir ki, mətbuat konfransında qonaqların baş məşqçisi Murad Musayev yenilgiyə belə şərh verib:

“Oyunda böyük üstünlüyə malik idik. Matçın əvvəlində avtoqolla hesabda geri düşdük. Bundan sonra rəqib 90 dəqiqə ərzində bütün komanda ilə müdafiə olundu.

Ölkə çempionu ilə səfər oyununa gələndə qarşılıqlı hücumlarla müşayiət olunan futbol oynamaq istəyirsən. Bu gün komandamdan razı qaldım. Futbolçular meydanda əllərindən gələni etdilər. Buna görə onlara təşəkkür edirəm”.