Qurban Qurbanov Belçikya yollandı: bu gün “Gent”i izləyəcək

“Qarabağ”ın baş məşqçisi Qurban Qurbanov ötən gün Belçikaya yollanıb. Allsport.az xəbər verir ki, səfərdə məqsəd konfrans liqasının pley-off mərhələsində rəqibi olan “Gent”in oyununa baxmaqdır.

Qurban Qurbanov Belçika çempionatının 20-ci turunda baş tutacaq “Gent” – “Kortreyk” qarşılaşmasını stadionda izləyəcək.

Qeyd edək ki, “Qarabağ” gələn il fevralın 16-da Bakıdakı Tofiq Bəhramov adına Respublika stadionunda “Gent”i qonaq edəcək. Matç 21:45-də başlayacaq. Bir həftə sonra səfərdə keçiriləcək qarşılaşma isə Bakı vaxtı ilə saat 00:00-da start götürəcək.

Həmin kateqoriyadan