“Red Bull Neymar Jr’s Five”da böyük final

Sentyabrın 19-da “Red Bull Neymar Jr’s Five” futbol turnirinin milli finalı keçiriləcək. Allsport.az saytı xəbər verir ki, çempionluq uğrunda həlledici mərhələ Heydər Əliyev mərkəzinin parkında olacaq və saat 14:00-da başlayacaq.

Son olaraq Gəncədə turnirin seçim mərhələsi keçirilib. Nizami yurdunda 100-ə yaxın komanda iştirak edib və milli finala vəsiqə uğrunda mübarizə aparıb. Turnirin qaydalarına əsasən, buraya 2 komanda vəsiqə qazanıb. Bunlar “5Plus” və “Viva” komandalarıdır.

15 sentyabrda Bakı seçimlərində iştirak edən 20 komanda arasında sportster meydançasında püşkatma ilə daha 2 finalçı müəyyənləşəcək. Püşkatma @redbullaz İnstaqram səhifəsində canlı yayımlanacaq.