“Şadam ki, rəqibə çox qol fürsəti yaratmağa imkan vermədik”

“Sabah” premyer liqanın 21-ci turunda səfərdə “Sumqayıt”a 3:0 qalib gəlib. Allsport.az saytı xəbər verir ki, görüşdən sonra qonaqların baş məşqçisi Murad Musayevin qələbə şərhi belə olub:.

“Oyunda topa yaxşı nəzarət edirdik. Birinci hissənin ortalarında 2 qol vurduq. Bu, komandada özünəinam yaratdı. Pressinqimiz yaxşı alınırdı. Amma keçidlərdə keyfiyyəti bir az da artırmalıyıq.

Şadam ki, rəqibə qapımız qarşısında çox qol fürsəti yaratmağa imkan vermədik. Amma daha yaxşı ola bilərik. Bunun üçün məşqlərdə öz üzərimizdə daha çox çalışacağıq”.