Stoykoviç: “Azərbaycanın bizə çətinlik törədəcəyini gözləyirik”

Serbiya millisinin baş məşqçisi Draqan Stoykoviçin DÇ-2022-nin seçmə mərhələsi çərçivəsində yığmamızla qarşılacaqları matçdan əvvəl mətbuat konfransı keçirilib. Allsport.az xəbər verir ki, serbiyalı mütəxəssis oyunla bağlı danışıb:

“Bakı çox gözəl şəhərdir və burada olmaqdan məmnunuq, özümüzü çox rahat hiss edirik. Azərbaycanın Portuqaliyaya qarşı oyununu izləmişik. Azərbaycan millisi yaxşı komandadır.

Ehtiyatlı olmalıyıq. Bütün diqqətimizi öz oyunumuzda olacaq. Rəqib təzyiq göstərməyi bacaran komandadır. Bərabər səviyyəli oyun gözləyirəm. Rəqibin bizə çətinlik törədəcəyini gözləyirik”.