“Turan Tovuz” İsveçrə klubunu məğlub etdi

“Turan Tovuz” Antalya toplanışı çərçivəsində bu gün ikinci yoxlama oyununu keçirib. Allsport.az xəbər verir ki, Ayxan Abbasovun rəhbərlik etdiyi kollektiv İsveçrənin “Aarua” klubu ilə üz-üzə gəlib.

Qarşılaşma Tovuz təmsilçisinin 1:0 hesablı qələbəsiylə başa çatıb. Görüşdə yeganə qolu Ayxan Hüseynov vurub.

Qeyd edək ki, “Turan Tovuz” Türkiyədə keçirdiyi ilk hazırlıq matçında Rumıniyanın “Petrolul” klubuna 2:3 hesabı ilə məğlub olub. Qərb bölgəsi təmsilçisi son sınaq oyununda Polşa “Qurnik”i ilə qarşılaşacaq. Bu görüş yanvarın 17-də baş tutacaq.