“Turan Tovuz”un qış toplanışını harada olacaq?

Allsport.az saytı xəbər verir ki, premyer liqa təmsilçisi yanvarın 7-də Bakıda bir araya gələrək Türkiyəyə yola düşəcək. Əcnəbi futbolçular komandaya həmin gün qonşu ölkədə qoşulacaqlar.

Baş məşqçi Ayxan Abbasov yanvarın 18-dək təşkil olunacaq toplanışda futbolçuları 3 yoxlama görüşündə sınamağı planlaşdırır. Rəqiblərin adları və matçların keçirilmə tarixi hələ ki, məlum deyil.

Premyer liqanın 16 turunda 16 xal toplayan “Turan Tovuz” turnir cədvəlinin 6-cı pilləsində yer alıb.