Gənc cüdoçularımız dünya birinciliyinə 2 gümüş medalla başlayıb

Xorvatiyanın paytaxtı Zaqrebdə gənc cüdoçuların dünya birinciliyinə start verilib. Allsport.az saytı xəbər verir ki, yarışın ilk günü millimiz üçün uğurlu olub.

Natiq Qurbanlı (55 kq) və Kəramət Hüseynov (60 kq) yalnız finalda uduzaraq gümüş medalla kifayətləniblər. 83 ölkədən 590 idmançının (346 oğlan, 244 qız) qatıldığı rəqabətdə bizimkilər 15 nəfərlə (10 oğlan, 5 qız) təmsil olunurlar.