Almaniyadan 2 qızıl və 1 gümüş medalla

Almaniyada yeniyetmə və gənc qızlar arasında beynəlxalq Türingiya kubokuna yekun vurulub.

Allsport.az xəbər verir ki, Azərbaycan yığması 2 qızıl və 1 gümüş medal qazanıb.

Xədicə Abdullayeva (40 kq) və Vüsalə Hacıyeva (52 kq) bütün rəqiblərini məğlub edərək, fəxri kürsünün ən yüksək pilləsində yer alıb. Leyla Ələkbərova (44 kq) yalnız finalda uduzaraq, 2-ci olub.

Azərbaycan yığması yarışda medal əyarına görə ümumi hesabda 4-ci yerdə başa vurub.

Qeyd edək ki, millimiz turnirdə 6 çəki dərəcəsində 15 cüdoçu ilə təmsil olunub.