Altay Həsənovla Fərid Qayıbov gimnastika idman növünün daha da inkişaf etdirilməsini müzakirə edirlər

Milli gimnastika arenasında bədii gimnastika üzrə Avropa kuboku keçirilir. Allsport.az saytı xəbər verir ki, milli komandalarımız bu sınaqda da uğurlu çıxış edirlər.

Yarışı izləyənlər arasında Azərbaycan gimnastika federasiyasının 1-ci vitse-prezidenti Altay Həsənovla gənclər və idman naziri Fərid Qayıbov da var. Onlar tribunada bu idman növünün yaxın gələcəkdə daha inkişaf etdirilməsi imkanlarını müzakirə ediblər.

Xatırladaq ki, Fərid Qayıbov eyni zamanda Avropa Gimnastikasının prezidentidir, yurd dışında olimpiya idman növlərində yüksək vəzifə tutan ilk və yeganə azərbaycanlıdır.