Karateçilərimiz Avropa çempionatından 3 medalla dönürlər 

7-9 fevralda Polşanın Bielsko-Biala şəhərində  karate (WKF / idman karatesi) üzrə yeniyetmə, gənclər və U-21 yaş kateqoriyalarının 52-ci Avropa çempionatı başa çatıb. 

Allsport.az xəbər verir ki, idmançılarımız nüfuzlu yarışdan 3 medalla dönür.

Azərbaycan milli komandası bir gümüş, iki bürünc medala sahib olub. 

Milli komanda üzvlərindən  Ələddin Məlikov (16-17 yaş / 68 kq) gümüş mükafata,  Vüsal Qənbərov (14-15 yaş / 52 kq)  və Əliəşrəf Qafarov (14-15 yaş / 57 kq)  bürünc medallara yiyələnib.