Əsas mərhələyə 3 sablyaçımız adlayıb

Tunisin Hammamet şəhərində qadın sablyaçıların dünya kubokuna start verilib. Allsport.az saytı xəbər verir ki, ilk yarış günündə əsas mərhələyə Sevil Bünyatova və Polina Kaspiaroviç adlayıblar.

Digər qılıncoynadanımız Anna Baştanın reytinqi yüksək olduğundan həlledici etapa birbaşa çıxıb.

Səbinə Kərimova (4 qələbə), Valeriya Bolşakova (5 qələbə) və Zərifə Hüseynova (3 qələbə) qrupu uğurla adlasa da, 64-lüyə yüksələ bilməyiblər.