5-ci turda ancaq qonaqlar qaydanı pozdu. “Boz ev” 5 klubu cəzalandırdı

Bu gün AFFA intizam komitəsi 1-ci divizionun 5-ci turunun oyunları ilə də bağlı qərarlar qəbul edib. Allsport.az saytı sizi iclasın gedişi ilə tanış edir:

“Səbail-2” – “Zaqatala” matçında qonaqların 5 futbolçusu sarı vərəqə ilə cəzalandığı üçün klub 80 manat cərimə olunub.

“Qaradağ Lökbatan” – “Qarabağ-2” matçının 89-cu dəqiqəsində qonaqların futbolçusu Rauf Hüseynli ikinci sarı vərəqə alaraq meydandan kənarlaşdırıldığı üçün 1 oyun cəzalanıb, klubu 20 manat cərimələnib. Xərək daşıyan uşaqların yaşları əsasnaməyə uyğun olmadığına görə (minumum 18 yaş) meydan sahibi 80 manat ziyana düşüb.

“Neftçi-2” – “Sabah-2 matçında qonaqların 5 futbolçusu sarı vərəqə ilə cəzalandığı üçün klub 80 manat cərimə olunub. Xərək daşıyan uşaqların yaşları əsasnaməyə uyğun olmadığına görə (minumum 18 yaş) meydan sahibi klub 80 manat cərimələnib.

“Kəpəz” – “Ağsu” matçında qonaqların 4 futbolçusu sarı vərəqə ilə cəzalandığı üçün klub 80 manat cərimə olunub.

MOİK – “Turan Tovuz” matçında ölkə çempionunun 4 futbolçusu sarı vərəqə ilə cəzalandığı üçün klub 80 manat cərimə olunub. Oyunun 85-ci dəqiqəsində “hərbçilər”dən futbolçusu Raul Yaqubzadə aqressiv davranışa görə birbaşa qırmızı vərəqə alaraq meydandan kənarlaşdırıldığı üçün 2 oyun cəzalanıb, klubu 160 manat geri düşüb.

Oyunun 90+5-ci dəqiqəsində MOİK-in futbolçusu Ümid Şükürlü ikinci sarı vərəqə alaraq meydandan kənarlaşdırıldığı üçün 1 oyun cəzalanıb, klubu 20 manat cərimə olunub. Ev sahibi oyunun video yazılışını aparmadığına görə klub 80 manat cərimə olunub. MOİK matçın protokolunu vaxtında tərtib etmədiyinə görə klub 80 manat cərimələnib.