AFFA U-15-i Mirbağır İsayevə həvalə etdi

Bu gün AFFA-nın inzibati binasında baş katib Elxan Məmmədov Məşqçilər Komitəsi ilə bir araya gəlib. Allsport.az saytı xəbər verir ki, qarşı tərəfin üzvləri Mingəçevir şəhərində  divizion klublarının nümayəndələri ilə keçirilmiş görüş haqqında ətraflı məlumat verib, Birinci divizion və Premyer Liqası barədə ümumi fikir mübadiləsi aparılıb.

Toplantıda Azərbaycan U-15 yığmasına baş məşqçi təyinatı da müzakirəyə çıxarılıb. Məşqçilər Komitəsinin tövsiyəsinə əsasən AFFA rəhbərliyinin qərarı ilə 15 yaşadək futbolçulardan ibarət Azərbaycan yığmasının baş məşqçisi vəzifəsi Mirbağır İsayevə həvalə olunub.