“Araz Naxçıvan”a qızıl medallar təqdim edilib

 Azərbaycan 1-ci divizionun cari mövsümünə yekun vurulub. Allsport.az saytı xəbər verir ki, Naxçıvan stadionunda çempionatının sonuncu – 30-cu turun “Araz Naxçıvan” – “Zaqatala” (2:0) oyunundan sonra meydan sahiblərinə medallar təqdim edilib.

Mükafatlandırmada Azərbaycan prezidentinin muxtar respublikasında səlahiyyətli nümayəndəsi Fuad Nəcəfli, AFFA-nın prezidenti Rövnəq Abdullayev, AFFA-nın baş katibi Sərxan Hacıyev, PFL-in prezidenti Elxan Səmədov, Naxçıvan futbol federasiyasının sədri Vüqar Abbasov, “Araz Naxçıvan” klubunun rəhbər heyəti və digər rəsmi şəxslər iştirak ediblər.