“Fənərbağça” braziliyalı müdafiəçini istəyir

“Aston Villa”nın müdafiəçisi Dieqo Karlos karyerasını Türkiyədə davam etdirə bilər.

Allsport.az xəbər verir ki, 31 yaşlı futbolçu “Fənərbağça”nın hədəflərindən biridir. İstanbul təmsilçisi braziliyalını icarəyə götürmək istəyir.

Karlos 2022-ci ildən “Aston Villa”nın şərəfini qoruyur. Onun klubla 2026-cı ilə qədər davam edən müqaviləsi var.