FİFA Argentina millisinin hərəkətini araşdıracaq

Argentina millisinin futbolçularının DÇ-2026-nın yarımfinalından sonra nümayiş etdirdiyi banner FİFA-nın diqqət mərkəzinə düşüb.

Allsport.az xəbər verir ki, dünya futbol qurumu turnir başa çatdıqdan sonra məsələ ilə bağlı intizam araşdırması aparacaq.

FİFA-nın intizam komitəsindən bildirilib ki, əvvəlcə matçın rəsmi hesabatları və bütün hallar araşdırılacaq, daha sonra intizam məcəlləsinə uyğun qərar veriləcək.

Argentina yığmasının futbolçuları İngiltərə üzərində 2:1 hesablı qələbədən sonra “Malvin adaları Argentinanındır” yazılmış banner nümayiş etdiriblər. Bu şüar Argentina ilə Böyük Britaniya arasında Folklend (Malvin) adaları ilə bağlı siyasi mübahisəyə aid olduğundan, FİFA-nın siyasi məzmunlu mesajlarla bağlı qaydalarının pozulması kimi qiymətləndirilə bilər.