“Allah qoysa, bəzi səhvlərimi düzəldib növbəti yarışlarda “bürünc”ü “qızıl”a çevirirəm”

Slovakiya paytaxtı Bratislavada gənclərin dünya birinciliyində yunan-Roma güləşçilmiz Elmin Əliyev 3-cü yer tutdu. O, çıxışını başa vurduqdan “Mladost” idman zalında Allsport.az saytına açıqlama verdi:

“Allaha həmd olsun, şükür Tanrıya, medalsız qalmadım. Bura çempionluq üçün gəlmişdim, qismət olmadı. Allah qoysa, bəzi səhvlərimi düzəldib növbəti yarışlarda “bürünc”ü “qızıl”a çevirirəm. Allaha çox şükürlər olsun, yaxşı başlamışdım: 23 yaşlıların Avropasında qalib olmağı bacardım.

Gənclərin qitə birinciliyində müəyyən səhvlərə yol verərək orada da 3-cü yer tutmuşdum. Bratislavada eyni nəyicə. İnşallah, qarşıda bizi Las Veqasda U-23 dünya çempionatı gözləyir. Bu səhvləri orada düzəldin, Allahın köməkliyi ilə qıızl medal qazanarıq”.

Kamran HACI, Bratislava